Montana Winter

jmagalsky
Jan 23, 2024
4 min read

Updated: Jan 25, 2024

Well... it's winter in Montana...

Schwiizerdütsch👇👇

We've had some record lows of -51°F! Apparently, the closest to that was -50 in 1969! That record was a ways away from me though, here it only got to -35! Here's a bit of the adventure!

Most people I know in the States, live in the same area I do, so I don't need to explain Eastern Montana winter and -however-many° to you! 😛 This is mostly for my Swiss people. Some people imagine that Switzerland is a very cold mostly wintery country, but maybe that's the people who confuse Switzerland with Sweden. In fact, Switzerland is a much milder climate that Montana! Not just in the winter but also in the summer. It does not get as cold and not as hot. Unless maybe if you live on the top of I mountain, I don't know. All seasons are very pronounced, not, as some have imagined mostly cold. I've herd people say, "Being from Switzerland, you must be used to the cold." Not to -a kajillion° I'm not! I've never experienced that before! To be honest, I find it kinda exciting, adventurous! Probably not as much, if I would have to work outside!

Swissgerman 👇

Hallo Schwiizer!

Ich probiers emal mit Blog schriibä... De isch entstandä, will e paar Verwanti sich für euses Montana Winter Wätter interessiert händ...

Schiins händ mir letscht Wuchä in Montana es Tüüf vo -46° Celsius gha! Das isch öppe 295 Kilometer nördlich vo eus weg gsi. Bi eus isch di tüüfsti Temperatur -37 gsi. Au no zimli früsch.

Wie fühlt sich -37° a? Es stellt eim fasch de Schnuuf ab! Tüüf iischnufä isch no schwirig und - tüüf oder weniger tüüf - es früürt eim d'Nasä Hörli ii! Und wemä gnue lang vorusse isch, de Schnauz und Bart, für diä wo so öppis händ.

Gnuä aleggä chamä scho, me gseht eifach uus winen Astronaut! 😆 👩🏻‍🚀 Ich gang also im Schiiazug go d'Hüäner Ämtli machä!

Viel Lüüt händ so fetti Schuä, wo praktisch wi Snowboard Schuä usgsend. Die heissed "Muck boots". MUCK isch d'Markä. Ich han d'arctic version! Krasserwiis chumi aber immerno chalti Füäss über! Es paar Muck boots zha, isch praktisch es Muss und me isch fasch überrascht, wenn öpper keini hät. Aso ufem Land vorallem, ide Stadt nöd umbedingt.

Me cha die Stifel so umefalte, das isch no praktisch, will susch chunnt me fasch nöd drii! Ich lah miini praktisch immer gfaltet.

G'heizti Jaggä und Gilet hämmer au! Und süsch verschidnigs "arctic isolierts". Das isch mini Jaggä mit heizig! Weme aber öppis schafft voruss, chunnt me glii z'heiss über! Aber weme öppis mus mache wome sich nöd viel bewegt, isches schono schön.

Ich weiss nöd ob das Sachä sind wos ide Schwiiz nöd git oder me nöd kännt. Für miich isch jedefalls neu gsi. Ich bin nie nördlicher als Süddütschland gsi und ha nie so Temperatuä erläbt bevor i in Montana gwohnt ha! Weme uf Finnland id Feriä gaht kännt mes vilich.

Es isch echt nöd s'gliich wime zum Biispil erläbt bi Wintersport ide Schwiiz! Vilich dänksch, aso mir frührt bim snöbä au s'Halstuäch ii, oder so. Ich weiss nöd wie erchlerä, es isch eifach andersch! Vilich au no wills so trochä isch da.

Schono interessant wi Winter ebä nöd gleich Winter isch.

Anderi Sachä won ich no niä erläbt ha:

Vor e paar Täg sind beidi mini Autos nöd agloffä wäg de Chelti! Das gsender im Video. Aso so Müäh hämmer echt no niä gha! Zum Glück giz "liquid fire"! Starthilfspray. Das isch en Spray mit Diethylether und vilich no anders brännwilligs Zeugs drin, wome in Luftasug vom Motor sprüzt. Luftasug? Seit me dem so? 🤔 Mit dem isch's dänn schlussäntlich gangä.

Was für mich no schwirig isch, dass me mängisch s'Auto lang mus laufälah. Zersch zum ufwärme und au werend me zB ime Ladä isch und s'Auto nacher wider bruucht. Es chönnt so schnäll abchüälä, dases dänn wider nöd gaht. Ich machs nume wenns umbedingt nötig isch. Nöd mal umbedingt wäg de Luftverschmutzig, ich han eifach s'Gfühl es isch verschwändig. Meistens hani s'Gfühl di meistä machänds, will si wänd dases IM Auto warm - oder chüäl - bliibt. Ich machs für de Motor! 😊 Ich find amig, chasch doch paar minutä chli chalt ha... 🤪 me mus sich ja eh iipackä für vorusä! Aber ebä, me mus au ad Machinä dänkä! Wenn du chalt häsch, händ d'Maschinä au chalt! 🤪 (so wimes bide Tier seit)

Und susch...

D'Feister im Huus sind zuägfrohrä! Mir münd Wasser laufälah, dass d'Röhrä nöd gfrüred. Das isch einige passiert. Öpperem isch sogar di ganz Quällä iigfrohrä und si händ e paar Täg kä Wasser gha im Huus!

Da musi vilich no erchlerä, euses Dorf hät kei Stadt-Wasserversorgig. Jedes Huus hät en eigeni Quällä / Bohrloch, oder es teiled e paar Hüser eini.

Für d'Tier mus me jedä Tag go Löcher machä im Iis! Au im Hüänerstall gfrürt s'Wasser teilwiis, und frost häz inne ade Dilli und Tür. Aber d'Hüäner und Äntä händ scho gnuä warm. Es git verschideni Möglichkeitä zum diä Problem lösä! Heizlampä, Wasserchübel mit Heizkörper drin... Dass di wildä Tier oder s'Veh und Ross chönd überläbä vorussä i dem Wätter isch scho erstuhnlich! Es git aber scho au amig Verlust bide Rancher wägem Wätter.

Was au no spexiell isch da, sind di sogenanntä ground blizzard. Da stürmts also nur am Bodä nah. 😆 Es isch eigentlich numä de Wind wo Schnee ufwirblet wo scho am Bode glägä isch. Aber mängisch isches so schlimm, dass me chuum öppis gseht, wi ime richtigä Schneesturm, und wiiter obä isch blauä Himmel. Und mägisch blast de Wind de Schnee nur ganz nöch am Bode umä, dases cooli Muster git uf de Strassä! Wi Zebrastreifä. Aber nöd z'fest driiluägä! Susch wirds eim schwndlig! 🤪 Ob meh oder weniger, höch oder tüüf, blasä tut de Wind praktisch immer! So dases sogar "Schneedüne" git, wome drin steckä bliibt und paar Meter näbädra häts kä Schnee. Das hani vor Montana au no niä gseh!

Mir mached Witz wenns mal grad abä schneit, so schön locker d'Schneeflöckli schwebed, dases Schwiizer Schnee isch, wi ide Schwiiz schneit. "Hey was lauft? Simmer ide Schwiiz?" Und wenns dänn wider schreg schneit, isch wider normal. 😆

Winter und de Schnee isch generell nöd so hübsch wi ide Schwiiz! Aber ich find gliich au d'Schönheit drin! Vorallem im Frost. Und süsch findis eifach es Abentür! 😁

Da no paar Bilder.